Plaça d'Albertas
La Plaça d'Albertas es una plaça dau centre istoric d'Ais de Provença que foguèt realizada entre 1735 e 1741 a l'iniciativa dau marqués d'Albertas que crompèt leis ostaus situats en fàcia dau sieu ostau per lei demolir e crear una plaça d'onor. De 1745 a 1746, de trabalhs suplementaris se debanèron e donèron son aspèct actuau a la plaça. Una fònt i foguèt aponduda en 1912. La plaça foguèt classada monument istoric en 2000.