Phobetor

Un article de Wikipèdia, l'enciclopèdia liura.
Salta a la navegació Salta a la cerca
Phobetor siguec un des dus pterosaures descurbits prèp des montanhes Altai per ua expedicion paleontològa sovietica en 1982.

Ena conca de Junggar, en eth nòrd-oèst dera China, demest es montanhes Altai e Tien Shan, ena provincia de Xin Jiang siguec eth lòc on se trapèc aguest pterosaure. Era sequéncia des strata geologiques includís ua longa serie de sediments de sable depausitades des deth permian inferior enquiath cretacèu superior. Quauques horizonts an produsit dinosaures. Tanben an sigut trapats pterosaures en ua d'aguestes formacions en eth grop Tugulu. Era sua edat ei deth cretacèu inferior.

En 1982 N. Bakhurina, der Institut Paleontologic de Moscu, descriguèc es despulhes d'ua esqueleta d'un petit Dsungaripterus trapat en uan formacion deth cretacèu inferior der oèst de Mongolia e coneguda coma Formacion de Zagan Zabsk.

De prumèr, sonque se traparen uassi der ala e quauqu'n d'ua pata. Dempús se descurbigueren crans e se poguèc classar dus espècies; eth chinés Dsungaripterus e un nau genre; Photebor (aqueth qu'espanta). Phobetor auia era maissa coma Dsungaripterus e ua cresta sus eth sòn cran mès ena maissa auia dents. Era sua ala hèia 1,5 m de longada, sonque era mieitat que Dsungaripterus.

Es petrosaures Dsungaripterids demorauen en tot eth mond. En Africa der èst pendent eth jurassic superior e en America deth Sud pendent eth jurassic inferior e tanben en China e Mongolia.

Hònt: The Illustrated Directory of Dinosaurs ans Other Prehistoric Creatures, Greenwich Editions, 2005.