Pelissa
La pelissa (var. borra, forradura, forrura, pèl, pelat, periça, perissa, pial, piau[1]) es la pèu deis animaus. Es garnida de peus – pus rarament de peu foletin ò de plumas – que permèton d'assegurar l'isolacion termica de l'organisme. Lo tèrme designa tanben lo materiau obtengut per l'òme après tractament e transformacion d'aquela pèu per l'èsser uman. Utilizadas tre la Preïstòria per fabricar de vèstits, lei pelissas foguèron pauc a pauc remplaçadas per de textils. Venguèron alora d'objèctes de prestigi e de luxe e lor comèrci venguèt una activitat lucrativa fins au sègle XIX. Pasmens, entraïnèt la disparicion de mai d'una populacion d'animaus fèrs. Desenant, es donc una activitat fòrça reglementada en vista de protegir plusors espècias menaçadas de disparicion. D'alternativas, coma la fabricacion de pelissas sinteticas ò la creacion de norrigatges, son tanben aparegudas.