Peironèla d’Aragon
Peironèla I d'Aragon (en aragonés: Peironela e en catalan Peronella; Òsca, 29 de junh de 1136 – Barcelona, 15 d'octobre de 1173) èra una sobeirana aragonesacatalana que foguèt reina d'Aragon, comtessa de Ribagorça e Sobrarb e comtessa consòrt de Barcelona (1137–1162).
Biografia
[modificar | Modificar lo còdi]Peironèla nasquèt en 1136, èra la filha del rei d'Aragon Ramir II e d'Agnès de Peitieu. Sa concepcion se deguèt mai que mai a un problèma politic ja qu'Aragon se trobava sens eiretièr e jos la menaça d'èsser destruch per de luchas de poder entre nòbles o mai fagocitat per de reialmes vesins. Quand aviá pas qu'un an foguèt promesa al comte de Barcelona Ramon Berenguièr IV.