Peiraguda
Peiraguda (prononçiar Pèyragudo) es un grop musical del Perigòrd fondat en 1978 per Jean Bonnefon, Patrick Salinié e Jean-Louis Garrigue. Lo grop canta sonque en occitan e causís una orientacion musicala essencialament « folk » (doás guitaras, dos cants, una bassa) per la larga majoritat de sas cançons.
Los Peiraguda se demarcan a l'epòca pel fait de pas votar en davant sonque textes militants occitans mas tanben de cançons de varietat. Se fan remarcar alara per lor riquessa poetica e la qualitat de lors arengaments armonics a l'entorn de las guitaras e de las votz, favorisant los timbres naturals a las compausicions electricas, mai en vòga à l'epòca. Separat en 1988 (notament per montar lo projècte parallèl Bigaròc ambe Joan Pau Verdier, un autre cansonièr Limosin), se tornan formar en 2003 e jogan totjòrn dempuèi. Lo grop es duèi compausat de Jean Bonnefon (guitara, cant, compausicion), Patrick Salinié (guitara, cant, compausicion), Jacques Gandon (guitaras), Laurent Chopin (batariá), Patrick Descamps (bassa) et Thierry Roques (acordeon).