Patinatge de velocitat sus pista corta

Un article de Wikipèdia, l'enciclopèdia liura.
Sauter à la navigation Sauter à la recherche
Correguda de 500 metres copa del mond 2004: EUA FRA, AUS, RUS

Lo patinatge de velocitat sus pista corta (short-track en France) es un espòrt similar al patinatge de velocitat sus longa pista.

2 a 8 patinaires fan la correguda en mèsme temps sus une pista limitada per de plòts de plastic, en forma d'anèl, de 111,12 m de circonferéncia. L'objectiu de cada correguda es de passar la linha d'arribada en primièr. Las tres distàncias màger son lo 500 m (4,5 tours), 1 000 m (9 torns) e 1 500 m (13,5 torns).

Istoric[modificar | modificar la font]

Originas[modificar | modificar la font]

Los patinaires de velocitat organizan de corregudas en partença de massa sus una pista ovala a partir de 1905. Mancant de pistas en exterior, los Americans començan a s'entraïnar en interior, sus de pistas mai cortas. Las problematicas que se pausan son diferentas: las viradas son mai quichadas, las linhas drechas mai cortas, e las tecnicas per ganhar son donc pas las mèsmas[1].

Los EUA e lo Canadà organizan de corregudas cada an, la primièra competicion internacionala se debanèt en 1921[2].

Internacionalizacion e reconeissença[modificar | modificar la font]

Dins las annadas 1920 e 1930, lo patinatge de velocitat sus pista corta ven popular en Granda Bretanha, al Japon, en França, en Belgica e en Austràlia.

En 1932, als Jòcs olimpics de Lake Placid, las corregudas de patinatge de velocitat se pòdon realizar fins a sièis patinaires en mèsme temps, sempre sus una pista de 400 m[3]. Lo format dich de las "Règlas nordamericanas" es plan controversiat, subretot criticat pels Fineses e los Norvegians, e las espròva tornan a lor format de doas personas per correguda a partir dels Jòcs olimpics seguents.

L'International Skating Union reconeis lo short-track en 1967. Lo primièr campionat internacional reconegut es Solihull en 1978[4].

Istòria olimpica[modificar | modificar la font]

Los primièrs campionats del mond de patinatge de velocitat sus pista corta son organizats en 1981 a Meudon, en França,.

En 1991, l'ISU organisza los primièrs campionats del mond per equipa de patinatge de velocitat sus pista corta a Seol, en Coèa del Sud[5][6].

Ven espòrt de demonstracion olimpic a Calgary, e capita convéncer lo president del Comitat internacional olimpic Juan Antoni Samaranch e lo president de l'International Skating Union Olaf Poulsen.

Ven espòrt olimpic als Jòcs d'ivèrn de 1992 a Albertville sul 1 000 m òmes, 500 m femnas, 5 000 m relai òmes e 3 000 m relai femnas.

Als Jòcs olimpics de 1994, a Lillehammer, s'apond lo 500 m òmes e lo 1 000 m femnas.

En 1997, lo circuit de Copa del mond de patinatge de velocitat sus pista corta es creat, e tanben los Campionats d'Euròpa de patinatge de velocitat sus pista corte, a Malmö.

Los Jòcs olimpics de Nagano (1998) son los primièrs ont lo temps dels patinaires es mesurat al milen de segonda près.

Lo 1 500 m, masculin e feminin, es apondur al programa dels Jòcs olimpics de Salt Lake City en 200.

Espròvas[modificar | modificar la font]

Distàncias[modificar | modificar la font]

Lo patinatge de velicitat sus pista corta inclutz tres distàncias masculinas e femininas: lo 500 m (4,5 torns), lo 1 000 m (9 torns) e lo 1 500 m (13,5 torns),[7].

Lo 500 m es una espròve d'esprint, ont lo primièr semitorn es determinant. Lo 1 000 m equilibra l'sprint e l'estrategia. Lo 1 500 m, es una espròva considerada coma d'endurança: quatre menas son disputadas dins la jornada. Los patinaires preferisson mai sovent trabalhar lor estrategia, quitament a partir la correguda mai lentament.

Lo 3 000 m (27 torns) es a vegada percorregut jos forma de "super finala" e disputat sonque pels uèit primièras personas del classament d'una competicion.

Passatge de relai entre dos Americans

Lo relai (3 000 m per las femnas, 5 000 m pels òmes) se jòga amb quatre patinaires per equipa. Cada patinaire patina mai sovent pendant un torn e mièg o dos torns, alara que los tres autres seguisson son percors a l'interior de l'oval per prene lo relai en cas de casuda o de passament. Un contacte fisic permet de passar lo relai: mai sovent, la persona en fin de passatge buta l'arribant per li donar de vam.

Sus la linha de partença, los patinaires se plaçan dins un òrdre definit per tiratge al sòrt o pel melhor temps a la correguda precedenta. La persona au reng 1 es la mai pròche del centre de la pista. Al 500 m e al 1 000 m, se considèra qu'una persona es leugièrament avantatjada s'avia en 1 o 2.

Debanament de las competicions[modificar | modificar la font]

Al 500 m e al 1 000 m, la competicion comença amb 32 patinaires lo primièr torn (8 corregudas de 4 patinaires caduna). Los dos primièrs de cada correguda avançan en quarts de finala. En quarts de finala, los 16 patinaires son divizats en 4 corregudas de 4 personas. Los dos primièrs avançan en semifinalas. Aquestas 8 personas son divisadas en 2 corregudas de 4. Las doas primièras passan en finale A, las doas seguentas en finala B. La A definís las 4 primièras personas de la distàncias, la B las personas seguentas dins lo classament. En cas de penalitats multiplas, es possible que de personas de la B sián medalhadas.

Al 1 500 m, las qualificacions (« heats ») comptan 36 personas a la place 32. Lo primièr torn es constituit de 6 grops de 6 patinaires. Los 3 primièrs passan en semifinalas, i a 3 còps 6 patinaires. Los 3 primièrs passan en finala A, los 3 seguents en finala B. Un competitor deu pas jamai far doas correguda espaciadas de mens de quinze minutas.

Partença d'una correguda

Material[modificar | modificar la font]

Patins[modificar | modificar la font]

Patins e lamas de short-track

Las bòtas son mai nautas qu'aquestas del patinatge de velocitat sus pista longa, per aparar melhor la cavilha. Son mai sovent constituidas de fibra de veire, de carbòni e de Kevlar. A naut nivèl son motladas al pè de la persona[8].

Los patins « claps » de la longa pista s'adaptèron pas dins lo patinatge sus pista corta per de rasons practicas e de seguretat[9],.

Los supòrts de lamas dels patins de corta pista son mai nauts qu'aqueste de longa pista. Auçant atal la bòta, lo patinaire pòt se penjar mai abans que la bòta capite a tocar la glaça. Aqueste enclinason li permet de se mantenir dins de viradas mai corbas,.

Lamas[modificar | modificar la font]

De primièra vista, los patins de corta pista pareisson fòrça a aqueste de longa pista, subretot que lor longor es de 13 a 19 poces. En corta pista, las viradas son fòrça mai quichadas qu'en longa pista: las lamas del patinatge corta pista an donc de reglatges especifics, permetent d'aumentar lo contraròtle del patinaire.

La lame es sovent decentrada: vist del dessús, punta ca a l'esquèrra. Aqueste cambiament d'angle permet al patinaire de clinar mai e de virar mai cort.

La lama es pas perfièchament drecha, mas corba. Un reglatge se fa per que la lama seguisca naturalament un percors corb cap a l'esquèrra d'un rai de 8 a 12 mètres mai sovent. Mejans una maquina se grèuja tanben la lama que prenga la forma d'un arc lugièr[10].

Combinason[modificar | modificar la font]

La combinason es mai sovent de lycra, resistant als talhs[11]. Es similària a aquesta del patinatge de velocitat mas sens  similaire à celle du patinage de vitesse, mais n'a pas de capucha. Los patinaire devon portar una proteccion de Kevlar al nivèl del còl e pitre.

Gants[modificar | modificar la font]

Los patinaire pòrtan de gants, mai sovent de Kevlar, per aparar lors mans de las lamas dels autres. Amb la velocitat, pausan sovent la man a tèrra per ganhar d'equilibri dins las viradas: per anarr mai rapidament e aparar lo teissu, pòdon apondre de bolas en plastic a bot dels dets de la man esquèrra.

Casco[modificar | modificar la font]

Un casco regde es obligatòri, per se protegir de plan possibles contactes amb los concurrents, la glaça o las parets.

Autres proteccions[modificar | modificar la font]

Los patinaires pòrtan sovent de proteccions als genolhs e als tíbia per se protegir de las lamas de lors concurrents.

Competicions principalas[modificar | modificar la font]

  • Patinatge de velocitat sus pista corta als Jòcs olimpics ont 28 medalhas son donadas dins l’ensemble (espròvas individuals + relai)
  • Campionats del mond de patinatge de velocitat sus pista corta dempuèi 1981
  • Circuit de la Copa del mond de patinatge de velocitat sus pista corta
  • Campionats d'Euròpa de patinatge de velicitat sus pista corta

Nòtas e referéncias[modificar | modificar la font]

  • {{{{{1}}}}} Aqueste article es parcialament o en totalitat eissit d’una traduccion de l’article de Wikipèdia en {{Nom lenga/{{{1}}}}} intitolat « {{{2}}} ».
  1. « Short track speed skating Equipment and History - Olympic Sport History », International Olympic Committee,‎
  2. Modèl:Ligal web
  3. « Short-track speed skating », sur Encyclopedia Britannica
  4. « Some Key Dates in ISU History », sur isu.org,‎ (consultat lo 23 genièr 2018)
  5. « Short Track Speed Skating World Championships - Team - Men », sur ISU,‎ (consultat lo 23 genièr 2018)
  6. « Short Track Speed Skating World Championships - Team - Ladies », sur ISU,‎
  7. « Short track 101: Competition format », sur NBC Olympics,‎ 11 avril 2017
  8. « Short track 101: Equipment », sur NBC Olympics,‎ 11 d'abril de 2017
  9. « A la loupe. L'âme des patins. », sur Libération,‎ 16 de febrièr de 1998
  10. « Ce qu'il faut savoir sur le [[:Modèl:Langue]] », sur France TV sport,‎ 18 d'octobre de 2013
  11. « Manège de glace », sur Le Monde,‎ 3 de genièr de 2013

Vejatz tanben[modificar | modificar la font]

Liens externes[modificar | modificar la font]

Bibliografia[modificar | modificar la font]