Parc Nacional Al Hoceima

Lo Parc Nacional d'Al Hoceima se troba en lo nòrd-oèst del Marròc, aprèp de la vila del meteis nom.

Lo Parc Nacional d'Al Hoceima es situat al nòrd del Marròc, a l'oèst de la vila d'Al Hoceima, en la region de la tribú de Bocoya, a 150 km a l'èst de l'Estrech de Gibartar e a una superficia terrestre e marina de 310 km². A un gran nombre d'airaus amb gran valor biologic on son importantas las costas rocalhósas sauvatges e pauc explotadas. Lo massís calcari d'uns 40 km. que constituís aquest litoral contunha dinc a la mar en formar bauçes que arriban als 700 m e que crean un paisatge d'una diversitat tant geografica com biologica.

Lo principal valor del parc es la sieuna vegetacion mediterranèa que en divèrses lòcs se troba plan ben conservada, amb exemplars d'araar demest d'autas espécias forestièras e aucels com l'agla pescaira qu'an la melhor poblacion de tot lo Mediterranèu en aquestas costas. Tanben i demoran Ichthyaetus audouini qu' an los nius en las Illas Chafarinas e en la illa de Tierra, en la Badia d' Al Hoceima, mès demora tanben en las aigas del parc.

En la sieuna costa se troba lo Peñón de Vélez de la Gomera. Originalment èra una illa, mès a causa d'un tèrratrem de 1930 l'illa se vegèt amassada amb tèrra ferma. Aquò es un dels territòris espanhòls que i a en tèrra marroquina, una reliquia de l'istòria.

Plan de las espécias de plantas que demoran dins lo Parc d'Al Hoceima son endemicas e se troban pas en d'autes lòcs.

Geologia

Lo parc es sus un territòri sismic plan actiu. I aguèt un terratrèm en 2004 mès tanben d'autes en 1994, 1930,...

Biodiversitat

La vegetacion del Parc Nacional consistís en un bòsc d'araar e tanben divérsas espècias d'arbolets mediterranèus com Pistacia lentiscus, Periploca angustifolia, Ephedra fragilis, etc.

Las aigas del parc son importantas per la poblacion d'Ichthyaetus audouini que an los sieus nids aprèp de las illas Chafarinas. Tanben a una de las melhors poblacions d'aglas pescairas de tot lo Mediterrani.

Conservacion

Aquest Parc nacional ha recebut lo supòrt d'un gran nombre de projectes de cooperacion, demest los quals UICN, SEO/BirdLife, MPDL e ACTLC,e tanben ONG localas.

Ichthyaetus audouini e l'agla pescadora son objecte de divèrses plans de gestion realizats per l'administracion del Parc en collaboracion amb SEO/BirdLife e lo finançament d'AECID.

Ecoturisme

S'han desvolopat divèrses camins ecoturistics dins lo parc, amb ostals que fan mès aisida la realizacion d'aquests a pè o amb bicicleta. Las ong ACTLC e MPDL han agut un paper particolar en lo desvolopament d'aquest sector.