Panthera leo fossilis

Un article de Wikipèdia, l'enciclopèdia liura.
Salta a la navegació Salta a la cerca

Panthera leo fossilis o leon de las caunas primitiu foguèt una sosespècia de leon que visquèt pendent lo Pleistocèn inferior e lo Pleistocèn superior. Òm considèra que foguèt una espècia primitiva de leon.

Fòrça òsses foguèron trapats a Mosbach, en Alemanha, puèi se trapèt un especimen gaireben total a Mauer, prèp d'Heidelberg (Alemanha), dins los quites sediments de l'epòca que visquèt l'ominid Homo erectus heidelbergensis fa 500 000 annadas.

Lo registre mai ancian d'aquesta sosespècia de leon en Euròpa es d'Isernia, en Itàlia, fa aperaquí 700.000 ans. Una maissa d'un leon amb 1,75 milions d'annadas d'Olduvai, en Kenya, es plan semblanta amb la dels leons trapats en Euròpa.

De Panthera leo fossilis o leon primitiu naisserà puèi lo leon de las caunas ara fa 300 000 annadas e d'aqueste puèi lo leon american, lo leon de l'èst siberian e tanben lo leon del nòrd-èst de China.

Descripcion[modificar | modificar la font]

Lo leon primitiu o Panthera leo fossilis foguèt un leon amb de mesuras semblantas al leon american del Pleistocèn superior. Òm pensa que la sieuna longor maximala poiriá èsser de 2,40 metres, aquò es mièg mètre mai que los leons africans actuals.