Palais dei Dògas

Lo Palais dei Dògas es un palais venecian situat sus la plaça Sant Marc. Luòc de residéncia oficiau dei dògas e de representacion deis institucions majoras de la Republica de Venècia, es un edifici bastit a partir de 1340 per remplaçar un palais precedent destruch per un incendi a la fin dau sègle X. Lei trabalhs principaus foguèron acabats vèrs 1365. Una renovacion importanta aguèt luòc a la fin dau sègle XVI après un incendi en 1577. Lo bastiment finau mèscla donc leis arquitecturas dau periòde gotic e de la Renaissença. D'artistas majors, coma Tintoretto, Palma lo Jove e Paolo Veronese, participèron a sa decoracion.

Lei dògas de Venècia i demorèron fins a 1797. Après la disparicion de la Republica, lo bastiment aguèt d'autrei ròtles. Per exemple, assostèt una partida de la Biblioteca Marciana. A la fin dau sègle XIX, lo govèrn italian comencèt de lo restaurar. Uei, es un centre important dau torisme venecian.

• 
  Façada dau palais
• 
  Cort interiora dau palais
• 
  Lion de Sant Marc dins la cort interiora
• 
  Lo Paradís, pintura interiora de Tintoretto
• 
  Pintura de la Sala dau Grand Conseu realizada per Veronese

Liames intèrnes

• Republica de Venècia.
• Venècia.

Bibliografia

• (fr) Luigi Serra, Le Palais des Doges de Venise, Roma, La libreria dello Stato, 1952.