Pachycostasaurus

Pachycostasaurus dawni ei un reptil marin escantit, un pliosaure. Demorèc pendent eth jurassic miei (hè 160 milions d'annades) e es sues rèstes an sigut trapades en Anglatèrra.

Descripcion

Era forma d'aguest animal ère era tipica d'un pliosaure damb un cap gran, granes dents, cos plan e pates evolucionades entà aletes. Quauques caracteristiques hèn que Pachycostasaurus estosse desparièr d'autes pliosaures. Eth cos pesava fòrça, mès qu'eth d'autes pliosaures. Açò ère pr'amor qu'es sues costelhes pesaven plan. Eth cran ère relatiuaments legèr mès damb ues dents poderoses, coniques e ponchudes. Hèia d'aperaquí 3 m de longada.

Vida

Es costelhes hèn pensar que Pachycostasaurus ère un animal que minjava en eth hons marin. Totun, que s'an trapat gastrolits laguens er solet especimèn fossil e se pensa qu'es costelhes pesaven pro entà hèr qu'aguest plesiosaure demorès en eth hons marin. Eth cran legèr hè pensar que minjava petiti animals deth hons marin coma esquires o calmars. Un estudi hèt dempús arremerca qu'es dents permetien que Pachycostasaurus caçasse granes victimes.