Bug (parçan)
(Redirigit dempuèi País de Bug)
Bug [ˈbyk ?], o probablament [byc][1] o Captalat de Bug es un parçan d'Occitània[2] situat en 
Gasconha.
La sua vila màger es La Tèsta de Bug (o de Buc), qu'Arcaishon ne n'èra a la debuta qu'un barri, que n'estut destacat per Napoleon III ende'n har una comuna.
Conten las comunas d'Arcaishon, La Tèsta, Gujan e Mestràs, lo Teish, Viganòs, Audenja, Lenton, Endarnòs, Arés, Lèige, Mèrcaprima, lo Barp, Miòs, Salas e Belin e Beliet.
Lo gentilici es bogés -esa[3].
Nòtas
[modificar | modificar lo còdi]- ↑ Fòrma occitana mau atestada, que seré de verificar dab enquistas mei precisas. La pronóncia [ˈbyk] b'ei atestada dens lo Atlas linguistique de Gascogne mes l'informator que la horneish n'a pas un nivèu solid en occitan. Lo nom de la comuna de La Tèsta [la 'tèstœ dœ bük] i es donat peus informadors locaus. Totun òm se pòt demanar si la fòrma normau non seré meslèu Bug [ˈbyc], en foncion de l'etimon latin "Bōii" (ancian pòble galés) e del gentilici bogés,-esa. L'introducvion de l'ALG precisa justament que la lenga deus informadors de La Tèsta, en 1948, ja èra fragila, que la populacion i èra plan barrejada e que tots los occitanofònes avèvan mèi de seishanta ans. Lo gascon occidentau coneish lo son [c] corresponent au [tʃ] daus autes dialèctes; es una oclusiva que pòt aisiment èster con·honuda dab [k] per una aurelha pauc abituada.
- ↑ Segon la classificacion de Frederic Zégierman.
- ↑ Forma occitana mau atestada, que seré de verificar dab enquistas mei precisas. L'escòla Calandreta de La Tèsta de Bug se sona la Calandreta Bogesa.