Pèire Potz
Pèire Pous (o Pierre Pous administrativament e en francés) foguèt un contaire occitan, un dels darrièrs representants de la transmission orala dels contes.[1][2]
Nasquèt en 1929 en a Munés, prèp de Redoma. Èra fisicament d'una nautor anormalament pichona e per aquò non podiá pas far los trabalhs mai durs del camp e s’ocupava de las bèstias. Los sieus pepins le contèron una granda quantitat de contes ancians, remembres de trabalh e de vida vidanta.[1]
Los ans 1970 sos racontes son represes dins La tradition orale du conte occitan: les Pyrénées audoises (PUF, 1973-75), Cinq contes populaires du Pays de Sault (Atelier du Gué, 1979), e, en 2009, dins lo libre Contes et souvenirs (ACCES).[1]
En 2011, li foguèt remesa la medalha de Chivalièr de las Arts e de las Letras.[1]
Moriguèt lo 26 d'agost de 2021 a l’atge de 92 ans.[1]
Referéncias
[modificar | Modificar lo còdi]- ↑ 1,0 1,1 1,2 1,3 et 1,4 Joan de l’Ors plora la despartida de Pèire Pous. Jornalet. 28-8-2021.
- ↑ Quillan. Contes et souvenirs de Pierre Pous. La Depeche. 31-5-2009.