Buòu muscat

Ovibos moschatus

Un buòu muscat (Ovibos moschatus) al Wildpark Lüneburger Heide, en Alemanha.

Classificacion

Règne	Animalia
Embrancament	Chordata
Classa	Mammalia
Òrdre	Cetartiodactyla
Sosòrdre	Ruminantia
Familha	Bovidae
Sosfamilha	Caprinae
Tribú	Ovibovini

Genre

Ovibos
Blainville, 1816

Nom binominal

Ovibos moschatus
(Zimmermann, 1780)

Estatut de conservacion UICN

LC  : Preocupacion menora

Lo buòu muscat ( Ovibos moschatus ), (en inuktitut ᐅᒥᖕᒪᒃ, ingmak), es un ongulat de l'Artic de la familha Bovidae, conegut per son pelatge espés e per la fòrta odor emesa pels mascles durant la sason dels amors per traire las femes . Son nom Inuktitut "umingmak" se tradutz per "lo barbut". Los buòus muscats vivon principalament en Groenlàndia e dins lo nòrd de Canadà dins los Territòris del Nòrd-Oèst e Nunavut, amb las populacions introduitas als Estats Units en Alaska, als territòris canadencs de Yukon, dins la peninsula escandinava e en Siberia.

Evolucion

Coma sòci de la sosfamilha Caprinae e de la familha Bovidae, lo buòu muscat es pus pròche de la feda e de la cabra que non pas del buòu; pasmens, es classat dins son genre pròpri, Ovibos (Latin: "sheep-ox"). Es un dels dos pus gròsses caprinae encara existent, amb lo taquin. Emai que lo taquin e lo buòu muscat foguèsson autrecòps considerat coma estreitament ligats, lo taquin ten pas de caracteristicas comunas ovibovinas, coma la morfologia de las banas especializada del buòu muscat, e las analisis geneticas demòstran que sos linhatges se separèron al començament de l’evolucion caprina. Los parents vivents pus pròches del buòu muscat semblan èsser los gorals del del genre Naemorhedus, uèi comuns dins nombroses païses de l'Asia centrala e orientala. La vaga semblança entre taquin e buòu muscat deu èsser considerada coma un exemple d'evolucion convergenta.