Oppidum d'Entremont
L'oppidum d'Entremont es un sèti arqueologic de 3,5 ectaras situat au nòrd d'Ais de Provença a l'extremitat sud dau plan de Puegricard. Ocupat a partir de 180-170 avC, venguèt la capitala dei Sallavis e una vila indigèna importanta dau sud-èst de Gàllia amb una populacion estimada entre 2 000-5 000 abitants. Èra liada a un pòrt salian situat dins la vila actuala d'Arle e entreteniá de liames comerciaus importants ambé Marselha. L'influéncia grèga i foguèt importanta (arquitectura, escultura...) mai sembla mens importanta que dins d'autreis oppidums de la region coma Glanum ò Sant Blasi onte s'èra desvolopada per exemple una escritura basada sus l'alfabet grèc.
En 123 avC, l'oppidum foguèt destruch per lei Romans venguts pacificar la region a la demanda de Marselha menaçada per d'incursions indigènas. Puei, foguèt concurrenciat per la vila romana novèla d'Aquae Sextiae. L'oppidum foguèt alora rapidament abandonat e èra inabitat tre 90 avC.
Liames intèrnes
[modificar | Modificar lo còdi]- Avatics, pòble vassau fòrça influenciat per lei Grècs.
- Oppidum de Sant Blasi.
- Glanum.