Onomatopèia

Un article de Wikipèdia, l'enciclopèdia liura.
Salta a la navegació Salta a la cerca

Una onomatopèia (del grèc ονοματοποιία, « creacion de mots ») es una categoria d'interjeccion emesa per simular un bruch particular associat a una persona, una bèstia o una causa, per l'imitacion dels sons qu'aquestes produson. D'unas onomatopèias que i a son improvisadas espontanèament, d'autras son convencionalas.

Lista d'onomatopèias tradicionalas[modificar | modificar la font]

Onomatopèias de sons divèrses

  • bom: onomatopèia pel son del canon.
  • clic-clac: onomatopèia pel son del flisquet.
  • cric: onomatopèia per tot son agut.
  • cric-crac: onomatopèia pel son d'una persona qu'escriu amb una pena.
  • din-dan: onomatopèia pel son de la campana.
  • flic-flac / flic-flòc: onomatopèias pel son de las ondadas e tanben per lo del flisquet.
  • flin-flan: onomatopèia per un emplastre, una gautada o tanben pel son del flisquet.
  • flisc / flisca-flasca: onomatopèias pel son del flisquet.
  • pataflau / pataflesc / pataflesca / pataflòsc / pataflòsca : onomatopèias que marcan un bruch de cabussada.
  • pataplan: onomatopèia per un bruch de tambora.
  • von-von: onomatopèia per lo marmolh, lo bronzinament e mai lo bronzinament d'insèctes (abelha, moissal...).
  • zinga-zanga: onomatopèia per tot bruch alternatiu, per un vai-e-ven.

Onomatopèias dels sons animals

  • bau-bau: onomatopèia pel japament del canh.
  • cacaracà / cacalà / cacalacà : onomatopèias pel cant del gal.
  • cric-crac: onomatopèia pel son d'una mirga, o d'un animal similar, que rosega.
  • fliu-fliu: onomatopèia per las aladas e en general per tot movements d'alas.
  • miau: onomatopèia per lo miauladís del cat.
  • patrac, patrac: onomatopèia per imitar lo galaup d'un caval.
  • piu-piu: onomatopèia pel piuladís d'aucelon o de poleton.
  • von-von: varianta de zon-zon.
  • zon-zon: onomatopèia pels bronzinament d'insèctes (abelha, moissal...).

Vejatz tanben[modificar | modificar la font]