Oleg Sentsov
Oleg Sentsòv (en ucraïnian e rus: Олег Сенцов; Sinferòpol, Crimèa, 13 de julh de 1976) es un realizador e scenarista ucraïnian.
Per encausa de sa posicion favorabla e son engatjament a las manifestacions EuroMaidan se vegèt arrestat per las autoritats russas lo 11 de mai de 2014 a Sinferòpol. Durant lo meteis mes, del temps del Festenal de Canas se demandèt sa liberacion. Es estat transferit a la Preson de Lefortovo a Moscòu lo 23 de mai sens poder veire sos avocats abans lo 27. Qualques jorns mai tard, lo 30 de mai, lo FSB revelèt las acusacions d'apartenir al Sector Drech e d'èsser de terroristas que fan pesar sus Sentsòv e tres autras personas: l'activista des dreches umans Alexander Kolchenko, lo jurista Gennady Afanasiev e Alexei Chirny. Lo 7 de julh de 2014 sa detencion foguèt prolongada fins al 11 d'octobre.
En agost de 2014 la peticion per far liberar Oleg Sentsòv foguèt signada pel grop de musica punk american Anti-Flag. Foguèt finalament condemnat a 20 ans de preson lo 25 d'octobre de 2015 per un tribunal rus amassa amb d'autres presonièrs politics ucraïnians.
Emprisonat dins la colonia penitenciaira de Labytnangui (Siberia occidentala) faguèt la grèva de la fam de mai a octobre de 2018, son estat de santat es jutjat critic.
Lo 25 octobre de 2018, recebèt lo prèmi Sàkharov, decernit pel Parlament Europèu.
Filmografia
[modificar | Modificar lo còdi]- Гамер (Gaamer, 2011)