Naviri de defensa costiera
Un naviri de defensa costiera èra un naviri militar principalament utilizat de 1860 a 1920 per leis estats maritims qu'avián un litorau de protegir mai qu'èran pas de poissanças navalas importantas (País Nordics, País Bas, Tailàndia... etc.). Èra generalament un naviri pichon ò mejan (de 1 500 a 8 000 t) amb una forma similara a aquela d'un crosaire. Aviá generalament un blindatge e un armament poderós mai una velocitat, una autonòmia e un còst limitats. Foguèron gaire utilizats dins lo corrent dei dos conflictes mondiaus e dispareguèron durant leis annadas 1970.