Nadar
Gaspard-Félix Tournachon (lo 6 d'abril de 1820 - 21 de març de 1910 París), conegut popularament coma Nadar, foguèt un jornalista, illustrador e caricaturista, mas sustot fotograf francés.
Per conselh d'un amic crompèt un aparelh fotografic qu'utilizèt per reculhir los retraits que lor caldriá servir de basa de las caricaturas de son òbra Panthéon Nadar 1853, ont apareguèron de grands personatges de la politica e de la cultura del moment apertenent a son cercle d'amics, coma Charles Baudelaire, etc.
Jamai pas considerèt lo retrait fotografic coma una activitat per ganhar de sòus, doncas que manteniá unas idèas esteticas. En tot moment se volguèt pas colorizar los retraits, aital coma practicar pas cap tipe que siaga de retòca e sens utilizar accesòris. Nadar se servís unicament de la lutz -manièra d'illuminar al modèl- e de la pausa, coma elements principals de la fotografia.
Dins las òbras de Nadar l'important es vertadièrament la cara del retrait rason que s'enebís los ornaments superflúses.
A Nadar se devon las primièras fotografias aerianas de l'istòria en 1856 realizadas amb un aparelh fotografic dempuèi un aerostat. Aquela innovacion aguèt un grand interès militar. Dins las annadas 1870 foguèt nomenat comandant d'una companhiá d'aeroestat per prene de fotografias de las posicions dels prussians qu'environavan París.
Foguèt tanben lo primièr fotograf en realizar de fotografias amb lum artificial en atenhent captar d'imatges de las catacombas de París.