Musèu de Västerbotten

Un article de Wikipèdia, l'enciclopèdia liura.
Salta a la navegació Salta a la cerca
Lo Musèu de Västerbotten en 2014

Lo Musèu de Västerbotten (en suedés: Västerbottens museum) es un musèu regional situat dins la vila suedesa d'Umeå. Aquesta institucion creada en 1886 a per tòca d'explicar l'istòria culturala del Comtat de Västerbotten.

Lo musèu, qu'emplega actualament un seissantenat de personas, es un dels mai visitats del país e vegèt passar 229.000 visitaires en 2009.

Istòria[modificar | modificar la font]

En genièr de 1886 la Societat de las Antiquitats del Comtat de Västerbotten decidiguèt de crear un depaus per i gardar las antiquitats e puèi un musèu per Umeå. Foguèt inicialament installat dins lo domeni Ullbergska qu'es actualament lo blòc Thor de la carrièra principala de la vila, Storgatan. Malastrosament, qualques ans aprèp, lo 25 de junh de 1888, la colleccion d'objèctes del departament meridional foguèt destruch completament quand se produsiguèt un incendi que cremèt la màger part de la vila.