Mulhorand

Lo Mulhorand es un país fictici dau monde imaginari dei Reiaumes Oblidats, decòr de campanha dau juec de ròtle Donjons e Dragons. Sa creacion es inspirada de l'Egipte Antica mai, a la diferéncia de sa còntrapartida terriana, la civilizacion mulhorandi a tengut e mai se son empèri es plus que l'ombra de çò qu'èra. Ansin, lei mulhorandis construson encara de temples e de piramidas. Per lo passat, la Mulhorand a agut per rivau l'empèri d'Unter.

Lo Mulhorand es tradicionalament governat per un faraon, vertadiera reïncarnacion d'Horus-Rê, e d'alhors d'unei caps dintre lei pus poderós ostaus nòbles son tanben de reïncarnacions de dieus mulhorandis. Aquel país, esclavatgista, a per enemics principaus lei Mascs Roges de Thay e lo culte de Seth. Lei magis mulhorandhis, estrechament enquadrats per lei capelans de Tòt, son redobtats per sei sòrts inconeguts e son lengatge magic secrèt compausat de ieroglifes.