Montsegur (cançon)

Montsegur es una cançon de Claudi Martí en lenga occitana :

Daissatz-me contar l'istòria
d'un sang begut per ma tèrra
Daissatz-me contar l'istòria
d'una volontat de fèrre
d'una joventut passada
d'una libertat volguda
del vièlh sòmi despertat
d'una libertat perduda

Cinc cents èretz a Montsegur
sabent çò que viure vòl dire
Cinc cents èretz a Montsegur
Segur i sètz darrièr l'azur

Vaquí l'ora de los corbasses
per los camins de Montferrièr
Vaquí l'ora de los corbasses
grand flume, negre poiridièr
del Papa la grand armada
del Rei de França bandolièrs
de Dominica los porcasses
Amèn, amèn, Dies Irae !

Vaquí l'ora de la desfacha
L'idèa brutla sul lenhièr
Aquí l'alba de la victòria
Menam vòstra lucha auèi :
Minoritats contra l'Empèri
Indians de totas las colors
descolonizarem la tèrra :
Montsegur, te dreiças pertot !