Miensk
|
Miensk
Менск | |||||
|---|---|---|---|---|---|
.png) | |||||
| |||||
| |||||
| Geografia fisica | |||||
| Coordenadas | 53° 55′ 45″ N, 27° 29′ 46″ E | ||||
| Geografia politica | |||||
| País |  Bielorussia
| ||||
| Geografia umana | |||||
| Populacion (2018) |
1 982 444 ab. | ||||
| Autras informacions | |||||
| http: | |||||
Miensk o mens ben Minsk (en bielorús se ditz Менск = Miensk segon nòrma bielorussa classica e Мінск = Minsk segon la nòrma bielorussa russizada) es la capitala e la pus granda vila de Bielorussia. Situada en riba dels rius Śvislač e Niamiha. Coma capitala nacionala, Miensk ten un estatatut administratiu especial en Bielorussia e constituís lo centre administratiu del voblast de Miensk e del raion (districte) de Miensk. En 2018, la populacion èra d’1 982 444 abitants. Miensk es la capitala administrativa de la Comunautat dels Estats Independents (CIS) e lo sèti del Secretari General.
Las primièras referéncias istoricas de Miensk datan del sègle XI (1067), quora èra una vila del Principat de Połock. Lo poblament se desvolopèt a la broa dels rius Śvislač e Niamiha. En 1242, Miensk venguèt part del Grand Ducat de Lituània. Recebèt lo títol de Ciutat en 1499.
En 1569, la vila èra la capitala del Voivodat de Miensk, dins la Confederacion de Polonha e Lituania. Constituissiá una part de la region anexada per l'Empèri Rus en 1793, a la seguida de la Seconda Particion de Polonha. De 1919 a 1991, après la Revolucion Russa, Miensk foguèt la capitala de la Republica Socialista Sovietica de Bielorussia, al dintre de l'Union Sovietica.
