Marsupialia
Divèrs marsupials.
Lo grop dels marsupials (var. marsupiaus) (Marsupialia), del grèc marsipos « sac », es una sosclassa de mamifèrs, onte la femèla a una pòcha abdominala, apelada marsupium, dins la quala pòrta son pichon aprèp la naissença. Lo pichon, nascut dins un estat de desvolopament fòrça incomplet, demòra dins aquesta pòcha, ligat a una mamèla de sa maire, fins que se pòsca noirir d'esperel.
Los marsupials vivon totes en Austràlia, en Tasmania o en Nòva Guinèa, levat la sariga e de la musaranha marsupiala que vivon en America.
Qualques exemples de marsupials : lo cangoró, lo oallabí, lo coala, lo vombat, la sariga. Nombrosas autras espècias son mens conegudas, coma lo gat marsupial, e fòrça an desparegudas.
Los marsupials se pòdon veire coma l'anèl de la cadena intermediari entre los monotrèmas ovipars e los mamifèrs placentaris.
Classificacion
[modificar | Modificar lo còdi]Los marsupials son generalament classats en 7 òrdres
- Dasyuromorphia (marsupials carnivòrs)
- Didelphimorphia (sarigas)
- Diprotodontia
- Microbiotheria
- Notoryctemorphia
- Paucituberculata
- Peramelemorphia