Mary Pickford
Mary Pickford (8 d'abriu de 1892 - 29 de mai de 1979), que son nom vertadier es Gladys Louise Smith, es una actritz e una vedeta de cinèma mut canadiana e estatsunidenca. Participèt a la fondacion de l'industria cinematografica de Hollywood e es cofondatritz deis estudiòs United Artists e de l'Acadèmia deis arts e dei sciéncias dau cinèma (Academy of Motion Picture Arts and Sciences). Aguèt tanben una influéncia importanta dins la creacion dau sistèma d'estèlas dau cinèma estatsunidenc e foguèt la premiera actritz que ganhèt mai d'un milion de dolars anuaus. Recebèt l'Oscar de la melhora actritz en 1930 mai mau capitèt de s'adaptar au cinèma sonòr e arrestèt sa carriera en 1933.