Marcellin

Un article de Wikipèdia, l'enciclopèdia liura.
Anar a : navigacion, Recercar
Retrach dau papa Marcellin dins la Basilica de Sant Pau Fòra lei Muralhas.

Marcellin (mòrt en octòbre de 304) foguèt lo 29en evesque de Roma de 296 a 304. Succediguèt a Gai (283-296) e foguèt remplaçat per Marcèu Ièr (308-309).

Dins lo corrent de son pontificat, acomencèron a partir de 303 lei grandei persecucions anticrestianas ordonadas per Dioclecian. Marcellin foguèt arrestat e moriguèt en octòbre de 304. De versions diferentas existisson sus sa mòrt. Segon certaneis autors, aurià abjurat sa religion e, segon d'autrei documents, aurià acceptat lo martir. La tradicion catolica mescla lei doas versions : Marcellin aurià acceptat de realizar de sacrificis ai dieus romans per sauvar sa vida avans de renegar son abjuracion e d'èstre executat.

Après sa mòrt, l'importància dei persecucions entraïnèt un periòde de vacança de l'evescat de Roma de quatre annadas.