MAS 38
Lo MAS 38 es un pistolet mitralhaire desvolopat en 1938 per la Manufactura d'armas de Sant Estève. Inspirat per lei pistolets mitralhaires utilizats per lo combat dins lei trencadas de la Premiera Guèrra Mondiala, èra una arma de 630 mm de longor per un pes de 3,45 kg. Èra destinat au combat raprochat e ais unitats de segonda linha coma leis artilhaires o l'engèni. Pasmens, sa fabricacion complèxa, sa municion de poissança tròp febla (7,65 × 20 mm Long) e la desfacha francesa de 1939 limitèron sa produccion. Leis armas fabricadas foguèron principalament utilizadas per lei còrs francs de l'armada francesa, la Milícia e la Resisténcia. Après 1945, serviguèron durant la Guèrra d'Indochina o dins d'unitats de polícia.