Los Capricis de Goya

Caprici 43 : "Lo som de la rason que produseish monstres"

Los Capricis que son ua seria de gravaduras deu pintre aragonés Francisco de Goya y Lucientes que consitueishen un viraplèc estilitic dehens la soa òbra e que comptan enter las purmèras de las soas òbras qui hen que critics com André Malraux ajan considerat aqueste pintre com un precursor de l'art modèrne o contemporan.

Los capricis qu'ostentan un gran contengut de critica sociau, de las flaquessas umanas, de las convencions sociaus, e tanben de la rason, deu fantastic, de la supersticoin, de la senectut, deu comportaments masculins e feminins, de l'inquisicion.

Inspirat per las ideas de la Lutz, los Capricis que critican durament la religion, la noblessa o lo clergat ; Goya que'us se composè (dab la prudéncia de préner quauques precaucions formaus) en se crdent emparat peus liberaus com lo purmèr ministre Godoy o deu ministre Jovellanos ; totun, au moment de lançar la soa comercialisacion, la paur de la contagion de la Revolucion Francesa, deus sons actes e de las soas ideias, que marquè ua represion de la Lutz e un retorn de la fòrças conservatritz. Per aquesta rason, la venta oficiau que durè 14 dias.

Entà s'emparar un pauc, Goya qu'esbarregè los temas e que botè legendas de las escuras o ambiguosas.

Emparat de tot biais peus Rei Carlos IV e tanben peu son hilh a maugrat deu subre conservatisme d'aqueste, Goya que balhè las placas de las gravaduras a aquesth derrèr entà que demoressen a l'acès de l'inquisicion.

A l'origina la famosa gravaduras 43 (Lo "Saunei de la Rason") que devèva aubrir la garba, mes fin finala qu'ac he un autopertrèit trufandèc d'un Goya vestit de moussur de la hauta societat borgesa (Goya b'èra totun conegut per estar pauc menierat e qu'avèva la costuma de's reprensetar d'un biais pro naturau) invistant a ua lectura ironica e a doble sens.

Galeria

• 
  Caprici numero 1, un Goya borgès suggereish ua lectura ironica e trufandèca.
• 
  Caprici numero 2
• 
  Caprici numero 8
• 
  Caprici 23
• 
  A parti d'aqueth 42 la tematica passa d'ua domainanta morala au fantastic.
• 
  43
• 
  69
• 
  80