Loís Formaud
Loís Amedèu Formaud (en francés: Louis Fourmaud; Marsilhargues, 4 d'octobre de 1888 - 1 de julh de 1944) foguèt un escrivan occitan de Lengadòc e Majoral del Felibritge.
Biografia
[modificar | Modificar lo còdi]Loís Formaud nasquèt en 1888 a Marsilhargues dins una familha de proprietaris agricòlas, filh d'Alfred Edoard Formaud e d'Emma Bonalh. Èra lo segond de tres enfants, envirat per doas sòrres. Faguèt sos estudis primaris amb lo pastor del vilatge abans de partir pel licèu de Montpelhièr ont se destinava a venir veterinari. Malastrosament, la venda del vin traversèt una granda crisi e los parents poguèron pas contunhar de pagar los estudis de Loís e n'avián de besonh per trabalhar la vinha. Arrestèt doncas aicí aquela via per s'avodar a la tèrra.