Little Foot

Un article de Wikipèdia, l'enciclopèdia liura.
Era trobalha de diuèrsi uassi deth pè quèrre d'un des australopithecus mès ancians jamès descorbert en 1994 cridèc era atencion de toti es media deth mond.

Liitle Foot o Pè Petit en occitan, ei eth nom d'un fossil ominid descorbert en ues circonstancies excepcionaus en 1994 en Strekfontein, en Africa del Sud. Aguest fossil ei era esqueleta der australopithecus mès conegut sancer jamès descorbert enqui aué. Abans qu'era istòria geologica deth lòc estosse estimada, era sua edat siguec objecte d'estimacions contradictories e anava des 2,2 as 2,4 milions d'annades. Un estudi publicat en 2015 confirma qu'a ua edat de 3,67 milions d'annades e qu'ei mès ancian que Lucy.

Es prumèrs troçi d'esqueleta de Little Food sigueren identificadi peth paleontològ Ronald J. Clarke en 1994 quan classave fossils de bueus descorberts abans en Sterkfontein. Aguesti troçi sigueren trapats ena Cauma de Silberberg, un gran horat carstic d'Sterkfontein. R.J. Clarke descorbiguèc alavetz quate uassi d'un pè quèrre qu'apertenhien a un ominid e quasi de segur a un madeish individú.

Sigueren descrits e classadi laguens deth genre Australopithecus e aperadi damb eth nom Stw573 [1]. Coma qu'es uassi hèien ua plan petita mesura sigueren tanben aperadi coma Pè Petit. En 1997, R. J. Clarke descorbiguèc d'autes uassi deth pè deth madeish individú en es ancianes amassades d'uassi que ja s'avien hèt abans. Trapec un troç distal de tibia dreta qu'avie sigut desseparada dera tibia. Atau demandèc a sòns ajudanti, Stephen Motsumi e Nkwane Molefe d'anar entàra cauma de Silberberg entà sajar de trapar auti troçi dera tibia. Solament en dus jorns sigueren trapadi, damb mès uassi.

R.J.Clarke cerquèc mès pauc a pauc e era sua equipa podèc trapar un cran sancer e d'auti troçi de uassi. Açò hèc descorbir ua esquelata gaireben sancera damb divèrsi uassi tanben sancers: un avant-braç era pelvis, costelhes, vertèbres, umer e tanben troçi des jambes e des pès. Aguest hèt cridèc era atencion de toti es media de tot eth mond en 1998 [2].

Interpretacion[modificar | Modificar lo còdi]

Pè Petit ei un descorbiment excepcionau per sòn estat de conservacion e pr'amor qu'ei un ominid ancian quasi sancer: ei mès complèt que Lucy, era Australopithecus afarensis descorberta en Etiopia en 1994.

Er estudi d'aguest fossil serà plan ric pes scientifics mès non pas tant pr'amor qu'es uassi avien sigut trapadi dehòra deth lòc preïstoric on èren. Es prumères observacions confirmèren qu'eth fossil de Pè Petit avie caracteristiques desparières des d'Australopithecus afarensis [3]. Poirie aperténher ara espècia Australopithecus prometheus, creada per Raymond Dart pes fossils trapadi en Makapansgat.

Epòca[modificar | Modificar lo còdi]

Era geologia d'Sterkfontein qu'ei malaisida e deisha era datacion de Stw573 en dobte. Nat nivèu de cendres volcaniques a permetut ua datacion radiometrica segura, e donques, era sequéncia paleomagnetica non ei complèta. Era edat deth fossil a sigut objecte de divèrses discussions ena literatura scientifica. Es resultadi van des 4 milions d'annades [4] (datacion hèta damb radiometria en 2003) enquias 2,2 milions d'annades (ua datacion hèta damb urani/plom [5] [6]. Segons era magnetologia eth fossil a 3,3 milions d'annades [7].

Segons era istòria geologica deth lòc hèta en 2007 peth karstològ Laurent Bruxelles, un estudi de 2014 confirma qu'es depaus son d'entre 1,5 e 2,2 milions d'annades e, atau, non son pas contemporanèus de Pè Petit, qu'a, coma minimum, 3 milions d'annades [8] [9]. Pr'açò qu'ei un potenciau ancessor ena linha evolutiva umana.

Tot e que es analisis an classat era sua esqueleta en diuèrses epòques, Pè Petit demorèc hè mès de 3,5 milions d'annades, segons un estudi scientific hèt en 2015.

Un navèth estudi publicat ena revista Nature en 2015 confirma que Pè petit a ua edat de 3,67 milions d'annades [10] [11].

Referéncies[modificar | Modificar lo còdi]

  1. ↑ en) R. J. Clarke et P. V. Tobias, « Sterkfontein Member 2 foot bones of the oldest South African hominid », Science, vol. 269, no 5223,‎ 1995, p. 521-524 (DOI 10.1126/science.7624772)
  2. ↑ (en) R. J. Clarke, « First ever discovery of a well-preserved skull and associated skeleton of an Australopithecus », South African Journal of Science, vol. 94,‎ 1998, p. 460-463
  3. ↑ (en) R. J. Clarke et K. Kuman, The Sterkfontein Caves - Palaeontological and archaeological site, Université de Witwatersrand,‎ 2000, 18 p.
  4. ↑ (en) T. C. Partridge, D. E. Granger, M. W. Caffee et R. J. Clarke, « Lower Pliocene Hominid Remains from Sterkfontein », Science, vol. 300,‎ 2003, p. 607-612 (résumé [archive])
  5. ↑ (en) J. Walker, R. A. Cliff et A. G. Latham, « U-Pb Isotopic Age of the StW 573 Hominid from Sterkfontein, South Africa », Science, vol. 314,‎ 2006, p. 1592-1594 (résumé [archive])
  6. ↑ ↑ F. Sénégas, « Little Foot rajeunit », La Recherche, no 405,‎ février 2007, p. 19
  7. ↑ (en) T. C. Partridge, J. Shaw, D. Heslop et R. J. Clarke, « The new hominid skeleton from Sterkfontein, South Africa: age and preliminary assessment », Journal of Quaternary Science, vol. 14,‎ 1999, p. 293-298 (lire en ligne [archive])
  8. ↑ (en) Bruxelles, L., Clarke, R.J., Maire, R., Ortega, R. et Stratford, D. (2014) - « Stratigraphic analysis of the Sterkfontein StW 573 Australopithecus skeleton and implications for its age », Journal of Human Evolution.
  9. ↑ Little Foot, l’australopithèque sud-africain, aussi vieux que Lucy ? [archive]
  10. ↑ (en) Darryl E. Granger, Ryan J. Gibbon, Kathleen Kuman, Ronald J. Clarke, Laurent Bruxelles et Marc W. Caffee, « New cosmogenic burial ages for Sterkfontein Member 2 Australopithecus and Member 5 Oldowan », Nature,‎ 2015 (DOI 10.1038/nature14268).
  11. ↑ « L’australopithèque Little Foot a 3 670 000 ans » [archive], sur www.inrap.fr,‎ 2 avril 2015 (consulté le 4 mai 2015)
Recuperada de « https://oc.wikipedia.org/w/index.php?title=Little_Foot&oldid=1970661 »