Vejatz lo contengut

Licèu de l'imatge e del son d'Engoleime

Un article de Wikipèdia, l'enciclopèdia liura.

Licèu de l'Imatge e deu Son d'Engolesme (LISA)
Nom original Lycée de l'Image et du Son d'Angoulême (LISA)
Informacions
Fondacion 1989
Tipe Licèu
Regim lingüistic Francès
Localizacion
Coordenadas 45° 38′ 00″ nòrd, 0° 09′ 10″ èst
Vila Engolesme
País França
Region Nòva Aquitània
Direccion
Provisor Sylvie Kocik
Divèrs
Site web lycee-image-son-angouleme.fr/

Geolocalizacion sus la mapa : França

(Veire situacion sus mapa : França)
Fòto exteriora del LISA

Lo licèu de l'Imatge e deu Son d'Engolesme o LISA (var.Licèu de l'imatge e del / dau son d'Engoleime) qu'ei un licèu generau qui prepausa BTS de comunicacion visuau e audiovisuau (montatge, son, imatge, espleitacion video, produccion).

Presentacion[modificar | Modificar lo còdi]

Lo licèu es situat dins lo barri de « Ma Campanha », a Engoleime. D'ua longor de 225 mètres sus 30 mètres de largor, qu'ei probablament un deus bastiments mei impausants deu quartièr.

L'arquitectura[modificar | Modificar lo còdi]

L'arquitècte deu LISA qu'ei Jean-Jacques Morisseau (París). Aqueth arquitècte diplomat e scenografe qu'a despuish 1983 participat a un nombre gran d'aperet d'auhèrtas dens lo maine de l'arquitectura. Un prèmi que l'ei estat decernit per ua jurada entau son projècte Qu'operè Bastille a París . Qu'a bastit lo teatre La Colomna a Miramas e qu'a realizat lo centre culturau e la reestructuracion deu centre d'Alberville.

L'arquitectura deu LISA qu'ei bastida suu concèpte de las oposicions . Oposicion enter lo navèth e l'ancian. Oposicion enter l'exterior e l'interior.

A diferentas epòcas, la volontat urbana qu'a volut mercar ua estapa de la soa creishença o unir per un monument simbolic las soas mudas successivas. Lo LISA qu'ei un junhent enter la vielha e la vila navèra. qu'ei ua pòrta, un ligam enter aqueras duas estapas. Qu'ei pr'amor d'aquò que lo bastiment auhereish diferents aspèctes. L'arquitècte qu'a volut un contraste plan hòrt enter l'arquitectura interiora e l'arquitectura exteriora…

Las parets exterioras deu bastiment que balhan l'impression d'estar parets de barri… L'exterior que presenta l'aparéncia d'ua construccion pura e lisa . L'edificis qu'a linhas ornadas de colomnas roeinadas, d'un obelisc, d'ua pòrta sus la carrèra. Lo tot recobèrt d'ua ceramica blanca dab la quau jògan la lutz e lo temps. Atau que son materializadas los limits enter la vielha vila e la ciutat navèra. L'obelisc qu'ei un senhau d'identificacion qui ei reconeishut de luenh : de cap aus campanars de la vielha vila, que mèrca la vitalitat de la vila navèra . Per contra l'interior qu'ei polychrome e conviviau. Qu'ei ua lesca de vila qui s'organiza lo long d'ua carrèra cobèrta interiora, lòcs d'escambis e de comunicacions. A l'embaish que son los equipaments public, los solèrs que son reservats a activitats necessitant mei de calma. Que s'a tanben podut parlar de la carrèra de virat d'uèlh Hollywoodien s'opausant a la rigor neoclassica de l'exterior.

Vertat qu'ei que cau partir a la descobèrta deu virat d'uèlh qui ei lo LISA, entà realizar a quau punt l'arquitècte qu'a jogat dab de multiplas fòrmas d'un aute costat plan conegudas : Observatz dens las pòrtas exterioras de l'obelisc, deus satellits, las proporcions tiradas de l'arquitectura egipciana. L'obelisc eth medish… d'inspiracion egipciana, cèrtas, mes las proporcions e  son las serviciaus ? La colomnada sus la plaça Félix Gaillard qu'ei greco-latina, tau un decòr de teatre. Lo rapòrt enter lo sòcle e la colomnada qu'ei aqueth utilizat peus arquitèctes antics ?

La pòrta sus l'avienguda de Navarra… quau estile ? Los satellits…. capèras « néopalladiennes » ? Qu'i a sus la faciada sud deus manlèus a l'arquitectura high-tech… un virat d'uèlh ! Sus la faciada nòrd, las cosinas que son installadas dens un temple greco-latin . L'extremitat oèst que s'acaba per un pont japonés e ua colomnada faussament tombada deu tresau solèr. L'interior deu bastiment qu'ei non mensh estonant, la nau qui d'aucuns poirén véder d'inspiracion egipciana, qu'estona per las soas proporcions e los sons palmèrs. La palmareda deu LISA qu'ei ua realitat… qui ei vededera de l'entrada. Mes que cau tanben anar au darrèr solèr on colors, colomnadas e lutz que son dignas de l'arquitectura italiana o de l'imaginacion de Pierre Lo Gran a Sant Petersborg.

En chifras :[modificar | Modificar lo còdi]

Obèrt a la rentrada 1989-1990, lo licèu que mesura 235 mètres de long sus 30 mètres de largor. Lo bastiment principau qu'auhereish 22 000 m² de susfàcia espleitadera. Lo còst de la construccion qu'ei de 97,5 milions de francs, lo de l'equipament de 17,5 milions de francs.

Formacion[modificar | Modificar lo còdi]

Lo LISA que prepausa com formacion las seccions generaus e artisticas. Çò qu'ac caracteriza, son las duas seccions de BTS : lo BTS comunicacion visuau (DNMADE) e lo BTS audiovisuau (dab cinc opcions possiblas) :

  • Montatge e post-produccion
  • Gestion de produccion
  • Tecnician d'Explotacion
  • Mestièrs del son
  • Mestièrs de l'imatge