Laser Interferometer Gravitational-Wave Observatory

Un article de Wikipèdia, l'enciclopèdia liura.
Salta a la navegació Salta a la cerca
Imatge del LIGO Hanford Observatory, a la Resèrva Nucleara de Hanford.

Lo LIGO (Laser Interferometer Gravitational-wave Observatory, «Observatòri d'ondas gravitacionalas per interferometria lasèr») es un observatòri astronomic format per dos interferomètres situats als Estats Units, en Loïsiana e dins l'estat de Washington qu'a per objectiu la deteccion e l'estudi de las Ondas gravitacionalas.

Foguèt fondat en 1992 per Kip Thorne e Ronald Drever de l'Institut Tecnologic de Califòrnia (Caltech) e per Rainer Weiss de l'Institut Tecnologic de Massachusetts (MIT), segon una proposicion originala de Thorne e Drever de 1984. Recebèt lo sosten de la National Science Foundation (NSF). Amb un cost de 365 milions de dolars (USD de 2002), es estat lo mai grand e ambiciós projècte jamai fondat per la NSF. La International LIGO Scientific Collaboration (LSC) es un grop format per qualques 400 cercaires de 40 institucions, que trabalhan per analizar las donadas del LIGO e autres detectors, e qu'ensajan tanben d'obténer de detectors mai sensibles dins lo futur. Dintrèt en foncionament lo 29 de junh de 2002 e l'11 de febrièr de 2016 s'anoncièt la primièra deteccion directa d'ondas gravitacionalas realizada lo 14 de setembre de 2015 a las 09:51 UTC.