Las minas en Cevena

Un article de Wikipèdia, l'enciclopèdia liura.
Salta a la navegació Salta a la cerca

Las minas de carbon son fòrça ancianas dins lo país cevenòl e representèron fins a la mitat del sègle XX una de las industrias mai importantas de la region.

L'abadiá de Cendrars en 1230[modificar | modificar la font]

Una de las atestacions mai ancianas de la preséncia de minas de carbon dins l'airal alesenc es un document de l'abat Bernat de Socanton, de l'abadiá de Cendrars que afectava a l'infirmariá del monestièr una renda annadièra procurada per las gents que explotavan la "tèrre negra". Lo carbon contunhèt d'èsser explotat mas d'un biais limitat fins al sègle XIX.

L'epòca de las concessions[modificar | modificar la font]

Es subretot a partir del començament del sègle XIX que se crearàn de concessions per explotar d'un biais regular e fòrt los jaciments de carbon de l'airal alesenc.

L'explosion a Fontanas en 1896[modificar | modificar la font]

Lo 2 de junh de 1896, 24 trabalhadors moriguèron dins lo potz de Fontanas.

La catastròfa de 1912[modificar | modificar la font]

Discors del ministre Dupuy a l'enterrament

A la mina de Sant Fèlitz, a Sant Martin de Valgalga, lo vèspre del 23 de novembre 1912, un tir foguèt fach al nivèl 260 e aqueste generèt una esbudelament en campana que faguèt tombar un desenat de tonas de carbon dins la mina. Dins la nuèch, a una ora del matin, se produsiguèt un desgatjament dans lo traçatge que projectèt 400 tonas de carbon.

Fòto de l'enterrament

Sulpic l'acid carbonic envasiguèt las galariás ont trabalhavan 90 obrièrs aquela nuèch. La màger part poguèron escapar mas lo gas ofeguèt 24 minaires que sas lampas s'atudèron e se poguèron pas escapar per encausa de l'escuresina. L'enquesta que se faguèt aprèp l'accident determinèt que lo drama se deviá a una insufiséncia de la carga d'explosius qu'èran estats emplegats durant lo tir precedent.

L'enterrament dels 24 minaires se faguèt dos jorns mai tard, lo 26 de novembre, amb la preséncia del ministre de las òbras publicas francés Jean Dupuy que faguèt un discors e participèt a la ceremoniá qu'amassèt fòrça gents (gaireben 25.000 personas se diguèt a l'epòca).

La nacionalizacion de las minas[modificar | modificar la font]

Per poder assegurar una creissença pro solida e durabla e una reconstruccion de la societat aprèp la Segonda Guèrra Mondiala, lo govèrn francés decidiguèt de nacionalizar lo sector de las minas. Foguèt votada una lei lo 17 de mai de 1946 que botava en plaça aqueste procediment. Aital a partir del decret del 28 de junh de 1946 e de las leis de nacionalizacion las uèch concessions minièras de Cevena passèron jol contraròtle de l'estat francés.