Lützerath
Lützerath es un masatge situat dins l'estat alemand de Ren del Nòrd-Vestfàlia, entre Aquisgran e Düsseldorf. En 2013, lo Tribunal constitucional federal d'Alemanha autorizèt l'expansion de la mina de carbon de Garzweiler. L'expansion d'aquela mina de cèl dobèrt prevei de destruire lo vilatge per lo remplaçar per un lac. Una campanha per salvar lo vilatge dita Lützerath Lebt comencèt e d'activistas del clima venguèron ocupar las bòrias voidas e de cabanas dins los arbres. En octobre de 2022 l'estat federal e lo Land de Ren del Nòrd-Vestfàlia anoncèron que RWE deuriá arestar l'expleitacion del carbon dins la region en 2030, mas Lützerath deu sempre estre destrusit. L'evacuacion per la polícia comencèt en genièr de 2023.