Kazimieras Jaunius

Kazimieras Jaunius (1848 - 1908) foguèt un eclesiastic e lingüista lituanian. Foguèt un escolan de Antanas Baranauskas e venguèt rapidament una de las autoritats en lingüistica e en lituanian del sègle XIX. Foguèt professor a l'Universitat de teologia de Sant Petersborg ont ensenhava las lengas classicas e l'ebrèu. Foguèt fach Doctor honoris causa de l'Universitat de Kazan.

A mai se publiquèt pas gaire, Jaunius portèt de progrèsses importants en lingüistica e dins l'estudi dels ligams del lituanian amb las autras lengas e mai la sistematizacion de la descripcion dels dialèctes lituanians. Collaborèt amb lo lingüista polonés Jan Niecisław Baudouin de Courtenay e lo "patriarca de la nacion lituaniana" Jonas Basanavičius.

Kazimieras Būga, un dels lingüistas e expèrts mai prestigioses de la lenga lituaniana, foguèt son discípol mai influent. Tre 1903 aviá començat a trabalhar coma secretari personal de Jaunius. Posteriorament amassèt lo material e documents de Jaunius, qu'aviá pas publicat gaire. Preparèt aital quatre volums dels escriches de Jaunius per los publicar.