Veire la font de KV-1

{{Dialècte Provençau}}

[[Fichièr:KV-1 tank (L-11).png|thumb|right|[[Fotografia]] d'un KV-1 a sa sortida d'usina en mai de [[1940]].]]

Lo '''KV-1''' es un [[carri de combat|carri]] [[carri pesuc|pesuc]] [[URSS|sovietic]] concebut en respònsa ai caréncias de l'arma blindada de l'[[Armada Roja]] durant la [[Guèrra d'Ivèrn]]. La produccion durèt de març de [[1940]] a aost de [[1942]] per un totau de {{formatnum:2769}} exemplaris. A son intrada en servici, lo KV-1 presentava de caracteristicas encara raras dins lo mond amb un [[canon]] de 76,2 mm, un blindatge de 75 mm e una velocitat de 16 km/h sus lo prat batalhier<ref>35 km/h sus rota.</ref>. Pasmens, aquò aguèt per consequéncia una massa de 43 t que passèt a 47,5 t sus lei versions pus blindadas imaginadas après lo començament de la [[Guèrra Germanosovietica]]<ref>En particular, foguèt concebut lo KV-85 armat d'un canon de 85 mm.</ref>.

Lo KV-1 laissa donc un sovenir mitigat dins l'[[Armada Roja]]. Sa poissança de fuòc e son blindatge espés foguèron d'atots majors durant l'invasion alemanda de l'[[URSS]] car la ''[[Wehrmacht]]'' aviá pas de carris capables de destrurre un KV-1 ai distàncias normalas dau combat, a l'excepcion dei [[StuG III]] equipat d'un canon lòng. Leis [[Alemanha|Alemands]] foguèron donc sovent obligats d'esperar l'arribada de [[canon de 88 mm|canons de 88 mm]] per combatre leis unitats dotadas de KV-1. Pasmens, la concepcion accelerada dau carri èra la causa de panas frequentas, especialament au nivèu de la transmission qu'èra pas adaptada a la [[massa]] dau carri. Fòrça KV-1 foguèron donc abandonats per seis equipatges e l'[[Armada Roja]] aprofichèt rapidament l'intrada en servici de modèls pus fisables per arrestar la produccion. Dins aquò, lo KV-1 foguèt utilizat fins a la fin de la guèrra, compres per l'armada alemanda qu'aviá capturat de desenaus d'exemplaris en [[1941]].

== Liames intèrnes ==

* [[Carri pesuc]].
* [[KV-2]].

== Bibliografia ==

* '''[[francés|(fr)]]''' Boris Laurent, ''La guerre totale à l'Est : Nouvelles perspectives sur la guerre germano-soviétique (1941-1945)'', París, Nouveau monde, 2014.

== Nòtas e referéncias ==
<references/>

[[Categoria:Carri pesuc]]
[[Categoria:Carri sovietic]]
[[Categoria:Carri de la Segonda Guèrra Mondiala]]