Juan Guzmán

Juan Guzmán, nascut Hans Gutmann Guster e escaissat Juanito (Colonha, Alemanha, 28 d'octobre de 1911 – Ciutat de Mexic, 6 de novembre de 1982) foguèt un fotojornalista mexicanoalemand. Es conegut mai que mai per son trabalh coma fotograf de guèrra del temps de la Guèrra Civila espanhòla. Foguèt l'autor d'una de las fotografias mai emblematicas de la lucha dels republicans, la de la jove catalana Marina Ginestà armada de son fusilh, presa lo 21 de julh de 1936 sus la terrassa de l'otèl Colon a Barcelona. Mai tard venguèt famós per per sa collaboracion amb divèrses pintors mexicans coma Frida Kahlo e Diego Rivera.