Josep Forment
Josep Forment (Bossòst, 1962 - Barcelona, 9 de junhsèga de 2014) siguec un editor, escrivan e arrevirador aranés.
Neishut ena Val d'Aran e hilh de mair francesa[1], estudièc Filosofia e Direccion Cinematografica, maugrat que centrèc era sua activitat professionau en sector editoriau coma comerciau e editor (Ediciones B, La Magrana, El Andén), e sustot ar editoriau Alrevés, que trabalhèc dempús deth sòn inici. Ère un especialista en Arthur Rimbaud, de qui auie tradusit es sues òbres complètes e diuèrses assaigs, Arthur Rimbaud, La belleza del diablo (2009) e Arthur Rimbaud, Poesía al raso (2011)[2]. Collaborèc damb era emissora en catalan Ràdio 4[3]. Coma escrivan publiquèc un poemari, un libre de relats e un roman. Ère maridat e auie un hilh[4]. Tanben difonec era òbra de Jean-Jacques Lafaye e Víctor del Árbol, atau coma classics coma Chrétien de Troyes[1].
Ligams extèrnes[modificar | Modificar lo còdi]
Referéncias[modificar | Modificar lo còdi]
- ↑ 1,0 et 1,1 Álvarez, Guille «Entender a Rimbaud». La Vanguardia, 10-07-2014
- ↑ «Mor Josep Forment». Llegir en català, 09-07-2014
- ↑ «Fallece el editor y traductor Josep Forment, fundador de Editorial Alrevés». El Confidencial, 09-07-2014
- ↑ «Mor l'editor Josep Forment als 52 anys». Ara, 10-07-2014