Joan V de Portugau

Un article de Wikipèdia, l'enciclopèdia liura.
Sauter à la navigation Sauter à la recherche
Retrach dau rèi Joan V.

Joan V de Portugau (22 d'octòbre de 1689, Lisbona - 31 de julhet de 1750, Lisbona) foguèt lo 24en rèi de Portugau dau 9 de decembre de 1706 a sa mòrt. Succediguèt a son paire Pèire II (1683-1706) e foguèt remplaçat per son fiu Josèu Ièr (1750-1777). Son rèine foguèt marcat per l'instauracion d'una monarquia absoluda inspirada per lo modèl de Loís XIV e per de dificultats economicas creissentas en causa de la demenicion de la produccion d'aur de Brasil.

Lei premiereis annadas de son periòde veguèron Portugau participar a la Guèrra de Succession d'Espanha dins lo camp de la coalicion opausada a França. Dins aquò, son armada i enregistrèt plusors reviradas (desfacha d'Almansa, pilhatge de Rio...). Ansin, la seguida dau rèine de Joan V foguèt relativament pacifica[1]. En 1720, reformèt lo sistèma d'esplecha dei colonias, çò que li permetèt d'aumentar lei revenguts de l'Estat. Aquò li permetèt d'organizar un important programa de construccions e de sostenir leis arts ambé la fondacion de l'Academia Reiala d'Istòria de Portugau (1720). Pasmens, aquela politica aviá un còst tròp important per lei finanças portuguesas e lo deute nacionau aumentèt grèvament durant tot lo rèine.

Liames intèrnes[modificar | modificar la font]

Bibliografia[modificar | modificar la font]

Nòtas e referéncias[modificar | modificar la font]

  1. Participèt solament a d'operacions navalas còntra leis Otomans per sostenir la papautat ò Venècia.