Joan Escilitzes
Joan Escilitzes (vèrs 1040 - mòrt au començament dau sègle XII) foguèt un istorian bizantin dau sègle XI.
Sa vida es mau coneguda. Originari d'Anatolia, èra un foncionari important durant lo rèine d'Alexis Comnèn (1081-1118). Foguèt l'autor d'una cronica dicha Synopsis historiôn que va de 811 a 1057 e conta leis eveniments dei periòdes amaurian e macedonian. Son trabalh es una fònt majora per lo sègle XI. Ne'n existís una version famosa illustrada de 574 miniaturas dicha cronica de Joan Escilitzes de Madrid que foguèt realizada en Sicília dins lo corrent dau sègle XII. Es l'unica cronica illustrada bizantina conservada.