Jiddu Krishnamurti

Un article de Wikipèdia, l'enciclopèdia liura.
Anar a : navigacion, Recercar
Jiddu Krishnamurti dins las annadas 1920.

Jiddu Krishnamurti, nascut a Madanapalle (Índia) lo 12 de mai de 1895 e mòrt a Ojai (Califòrnia) lo 17 de febrièr de 1986, foguèt un pensaire e escriveire influent, especialament conegut per sa defensa d'idèas e de practicas pedagogicas novèlas.

Tre son adolescéncia, foguèt presentat per la societat teosofica coma un messias potencial, mas operèt rapidament una revirada per adoptar de tèsis radicalament opausadas, contra tota fòrma d'autoritat o de poder, contra la somission a las religions o las ideologias establidas, e en defensa de la libertat umana. S'opausava en particular a tota fòrma de nacionalisme, que definissiá coma un "tribalisme exaltat" o "glorificat". Pensava que caliá transformar lo "vièlh cervèl condicionat de l'òme".