Jeholopterus Ningchengensis

Jeholopterus siguec un pterosaure fòrça petit que demorèc pendent eth jurassic e eth cretacèu. Bèri un scientifics díden qu'ère ematofag, çò ei que chucava era sang des sues predes, coma un vampir.

Jeholopterus ei un reptil escantit volador apartenhent ara familha des pterosaures. Demorèc pendent eth jurassic miei-superior (d'aperaquí 165-155 milions d'ans) e es sues rèstes an estat trapades en China.

Descripcion

Jeholopterus non arribava as 90 cm de longada d'ales e ei conegut per ua esqueleta quasi sancera damb era qual s'an trapat troçi d'ala e un tipe de pèth. Jeholopterus avia ua coa cuerta e un cran naut e ample, plan semblant ath d'Anurognathis mès enqüera mès long. Era sua boca ère, totun, coma era d'ua graulha e avia dents cuertes e ponchudes.

Segontes un estudi hèt per Peters en 2002 sembla èster qu'ena part posterior dera maishèra avia dus dents longues e corves coma es d'un vampir. Es ales d'aguest pterosaure èren plan longues damb ua membrana posterior (uropatagius) e tanben enes pates anteriors (propatagius). Totun, que sembla qu'es pates posteriors estossen en forma de palma e damb fòrça fribra tà èster mès hòrtes coma en es ales e en er uropatagi.

Es dets èren longui e corvi, sustot en es pates anteriors. Tot eth cos ère caperat per un tipe de fibra semblanta ara pèth, cuerta e corva. Totun, que plan de paleontològs díden qu'aguest estudi ei pas serios pr'amor dera fauta d'ua manèra de trabalhar pauc paleontologica (Bennet, 2005).

Classament

Es caracteristiques deth cran confermen que Jeholopterus apertenhia ara familha des anurognatids, un grop de pterosaures que demorèc pendent eth jurassic e eth cretacèu inferior e qu'avien un cran plan cuert e naut. Jaholopterus ei classat coma er anurognatid mès gran de tota era sua familha. Un aute anurognatid que demorèc en China ère Dendroryncoides.

Vida

Era forma deth cap e es sues dents petites suggereishen qu'aguest animal ère insectivòr. Es dents o canins hèn pensar, totun, que poderie minjar peishi segontes quauqu'ns scientifics mentres que d'autes díden qu'ère ematofag coma es vampirs d'aué (genre Demodus). Tanben se pensa qu'es sòns longs dets èren utilizats tà demorar gahat en es branques des arbes.

Bibliografia

· Wang, X., Zhou, Z., Zhang, F., and Xu, X. (2002). "A nearly completely articulated rhamphorhynchoid pterosaur with exceptionally well-preserved wing membranes and 'hairs' from Inner Mongolia, northeast China." Chinese Science Bulletin 47(3), 226 – 232.

·Dalla Vecchia, F. M., 2002, Observations on the non-pterodactyloid pterosaur Jeholopterus ningchengensis from the Early Cretaceous of northeastern China: Natura Nascosta, n. 24, p. 8-28. Peters, D. (2003). "The Chinese vampire and other overlooked pterosaur treasures." Journal of Vertebrate Paleontology, 23(3): 87A.

· Bennett, S. C. (2005). "Pterosaur Science or Pterosaur Fantasy." Prehistoric Times, No. 70, pp. 21-23 & 40.