Vejatz lo contengut

Hadit

Aqueste article es redigit en provençau.
Un article de Wikipèdia, l'enciclopèdia liura.

Recuelh de hadiths.

Un hadith es una comunicacion orala de Maomet e, per extension, un recuelh que compren un ensemble de tradicions relativas a la vida e ai paraulas de Maomet e de sei companhons. Son autenticitat es certificada per la preséncia d'una cadena de transmission que dèu remontar fins a Maomet. Permèton de completar e d'interpretar l'Alcoran. Per aquela rason, l'estudi dei hadiths es un element major dau drech islamic.

En causa d'aqueu ròtle centrau, lei hadiths foguèron fixats entre lei sègles IX e X gràcias a un important trabalh de canonizacion similar a aqueu aguent permés d'enregistrar lo tèxte de l'Alcoran. Pasmens, aquò foguèt pas totjorn sufisent per assegurar la traçabilitat. Ansin, segon lo nivèu de fisabilitat de sa cadena de transmission, lei hadiths son classificats dins de categorias coma sahih (« autentic »), hasan (« bòn ») ò da'if (« febla »). Pasmens, aquela categorizacion es l'objècte de debats. De mai, lei recuelhs de hadiths utilizats per lei diferentei brancas de l'islam son diferents.

Liames intèrnes[modificar | Modificar lo còdi]

Bibliografia[modificar | Modificar lo còdi]

Nòtas e referéncias[modificar | Modificar lo còdi]