Fièra de Sant Ermengol

Un article de Wikipèdia, l'enciclopèdia liura.
(Redirigit dempuèi Hèira de Sant Ermengol)
Salta a la navegació Salta a la cerca

La Fièra de Sant Ermengol es una fièra tradicionala que se celèbra cada an la tresena dimenjada d'octòbre a la Seu d'Urgèl. Es una de las fièras mai ancianas de Catalonha e es la fièra documentada pus anciana de la Peninsula Iberica [1]. Dins l'encastre de la Fièra de Sant Ermengol se celèbra la Fièra dels Formatges Artesans dels Pirenèus. En 2008 se celèbra la 14a edicion de la Fièra dels Formatges, qu'en fach a l'ora d'ara es l'ais vertebrador de la Fièra de Sant Ermengol. La Fièra atrai aperaquí 50 000 visitaires e compren tanben una mòstra d'artesania, la Auto Fièra de veïculs e maquinària, un sector de venda ambulant e lo Boulevard del Comèrci[2].

A despart de las paradetes qu'ocupan mai de la mitat de las carrièras de la Seu d'Urgèl (dempuèi la Plaça de la Catedrala fins a l'avenguda Salòria, aquela darrièra pas compresa), i a tanben 5 000 m2 d'espaci cobèrt.[2]

Lo nom de la Fièra proven d'un dels dos patrons de la vila: Sant Ermengol que foguèt avesque d'Urgèl al sègle XI. Tradicionalament la fièra èra per escambiar bestial mas uèi lo jorn aquela foncion la remplaça la Fièra de Prima. Se celèbran tanben d'autras fièras e de mercats pendent l'an coma lo Mercat dels Canonges (mercat medieval), lo Mercat tradicional (dos còps la setmana) e lo Mercat de las Oportunitats.

La fièra coneguèt fòrça nautes e basses al cors de l'istòria e cambiaments de data: per la Maire de Dieu d'Agost, per Sant Miquèl, en setembre, e, a comptar del sègle XIV, per Totsants (3 de novembre); d'alavetz ençà prenguèt lo nom de fièra de Sant Ermengol, nom qu'a perviscut malgrat qu'a comptar de 1993 s'acordèt de transportar la fièra a la tresena dimenjada d'octòbre[3].

Referéncies[modificar | modificar la font]

  1. Jornal d'Andòrra, la Fièra 2008 (ca)
  2. 2,0 et 2,1 Jornal d'Andòrra, Fièra de Sant Ermengol (ca)
  3. GGCC, la Seu d'Urgèl: Lo comèrci e las finanças. (ca)