Guillermo Billinghurst

Un article de Wikipèdia, l'enciclopèdia liura.
Retrach de Guillermo Billinghurst.

Guillermo Enrique Billinghurst Angulo (27 de julhet de 1851, Arica - 28 de junh de 1915, Iquique) es un òme politic perovian que foguèt president dau país de 1912 a 1914. Succediguèt a Augusto Leguía (1908-1912) e foguèt remplaçat per Oscar Benavides (1914-1915).

En despiech de son apartenéncia a l'oligarquia a la tèsta de Peró dempuei l'independéncia, sa presidéncia foguèt marcada per una politica sociala que se turtèt a l'oposicion viva dau Congrès. Pasmens, capitèt d'obtenir la creacion d'una legislacion assegurant una jornada de uech oras de trabalh. Assaièt tanben de resòuvre la question de Tacna-Arica. En 1914, lo Congrès durbiguèt una procedura de destitucion de Billinghurst. Lo president menacèt alora d'armar de trabalhaires per dissòuvre per fòrça lo Congrès mai aquò entraïnèt un còp d'estat militar dau coronèu Oscar Benavides sostengut per lei conservadors. Billinghurst foguèt exilat fins a sa mòrt l'annada seguenta.

Liames intèrnes[modificar | Modificar lo còdi]

Bibliografia[modificar | Modificar lo còdi]

Nòtas e referéncias[modificar | Modificar lo còdi]