Green Lantern
Green Lantern (« la Lantèrna verda ») es una benda dessenhada americana creada en 1940 e publicada per l'editor DC Comics.
Lo mai conegut dels Green Lantern es Hal Jordan.
Synopsis[modificar | Modificar lo còdi]
De plan ancians extraterrèstres subrepoderós an creat e semenat dins totes los univèrses dels anèls utilizant la « Fòrça de Volontat », regenerats per la Lantèrna Verda. Aquelas bagas son destinadas a d'èssers sabent subrepassar la paur.
Lo nom de Green Lantern es portat pels eròis d'aquela seria mas tanben per de personatges segondaris. Totes aqueles personatges tiran lors extrà-poders d'un anèl verd (que los eròis recargan gràcias a una lantèrna, d'ont lo nom) que balha a son portaire lo poder de materializar tot çò que desira (a l'excepcion de la fusta pel primièr Green Lantern, de la tèrra e de çò qu'es de color jauna per totes los autres) amb una espècia d'energia verda, a condicion d'aver una fòrça psiquica sufisenta.
Un Green Lantern, per rejónher lo « còs » dels Green Lantern, deu bèl primièr èsser causit per l'anèl, puèi prestar jurament : " En plen jorn o dins la nuèch negra, cap de mal escapa pas a mon agach. Qué totes los que davant lo mal se prostèrnan, crenhon lo lum dels Green Lantern ! "
La Liga de Justice d'America compta generalament un Green Lantern dins sos rengs.
Poders[modificar | Modificar lo còdi]
L'anèl dels Green Lantern conferís los meteisses poders a cadun de sos òstes. Aqueles poders dependon largament de la volontat del portaire :
- La capacitat de volar e de respirar dins l'espaci sens limits ;
- La capacitat de comprene e traduire totas las lengas sens esfòrç ;
- La capacitat de materializar per la sola fòrça de sa volontat una pletòra d'objèctes, armas o animals constituïts de "lum materializat", apelats construccions. Aquel poder depend de la volontat del Green Lantern e pòt tanben plan créisser quand fa pròva de coratge que s'agotar en cas de feblesa.