Goffredo Casalis

Retrach grabat de Casalis.

Goffredo Casalis (Saluças, 9 de julhet de 1781 – Turin, 10 de març de 1856) es un abat e istorian piemontés.

Orfanèl de paire, Casalis foguèt aculhit al seminari ont estudièt entrò l'ordinacion sacerdotala. Obtenguèt sens problèma un doctorat en letras a l'Universitat de Turin.

Trabalhèt de preceptor de familhas ricas, mas se cerquèt un autre trabalh per financiar sas activitats istoriograficas.

Mercé a la fondacion en 1833, pel rei Carles Albèrt, de la "Regia Deputazione sopra gli studi di Storia patria" poguèt realizar son projècte de Diccionari geografic, istoric, estadistic e commercial dels Estats de sa majestat le rei de Sardenha. Malgrat sa santat frèula, arribèt a acabar aquesta òbra immensa mercé a l'ajuda de Vittorio Angius. Moriguèt un an après la publicacion del darrièr volum del diccionari.

L'òbra de Casalis es tras qu'importanta per la coneissença de l'istòria de las comunas occitanas qu'èran dins los Païses Savoiencs puèi Sardos (Valadas Occitanas, País de Niça).

Ligams extèrnes

• "Goffredo Casalis", Dizionario biografico degli italiani, Roma, Istituto dell'Enciclopedia Italiana.
• Schedario storico-territoriale dei comuni piemontesi, a cura del Centro Interuniversitario di Storia Territoriale "Goffredo Casalis".