Glacièr de Gangotri

Un article de Wikipèdia, l'enciclopèdia liura.
Anar a : navigacion, Recercar
Gomukh, lenga terminala del glacièr Gantori. Lo puèg de Bhagirathi s'enauça al fons.

Lo glacièr de Gangotri es un glacièr situat dins lo districte d' Uttarkashi, dins l'estat indian d'Uttarakhand, pròche la termièra chinesa. Aquel glacièr, font de Ganges, es un dels pus important d'Imalaia amb un volum estimat de mai de 27 km3. Lo glacièr fa aperaquí 30 km de long e 2 a 4 km de larg. A l'entorn del glacièr se trapan los puèges del Grop de Gangotri, qu'incluson maites soms notables de per sas dificultats extrèmas , coma Shivling, Thalay Sagar, Meru, e Bhagirathi III. Lo glacièr de Gangotri que s'escola mai o mens cap al nòrd-oèst, a per origina un circ aval de Chaukhamba, puèg pus naut del grop.

La lenga terminala del glacièr qu'es en forma de boca de vaca se ditz Gomukh. Lo site es un luòc de romiatge per la religion indo.

Reculada del glacièr Gangotri[modificar | modificar la font]

Reculada del glacièr Gangotri

La NASA, en conjoncion amb de scientifiques de l'United States Geological Survey (USGS) e del National Snow and Ice Data Center (NSIDC), desvolopa un inventòri global de totes los glacièrs del mond per fin d'ajudar los cercaires de retraçar l'istòri de cada glacièr. Segon eles, lo glacièr Gangotri, que mesura actualament 30.2 km de long e entre 0.5 e 2.5 km de larg, es un dels pus grand d'Imalaia. Aqueste glacièr reculèt de contunh dempuèi las primièras mesuras en 1780. Las donnadas de 61 ans (1936–96) mòstran que la reculada totala del glacièr de Gantori es de 1147 m, amb una mejana de 19 m per an.[1] Pasmens, subre las 25 darrièras annadas del sègle XX reculèt de mai de 850 m (34 m per an),[2]e de 76 m entre 1996 e 1999 (25 m per an).[3]

Referéncias[modificar | modificar la font]

  1. Ajay K. Naithani, H. C. Nainwal, K. K. Sati and C. Prasad: Geomorphological evidences of retreat of the Gangotri glacier and its characteristics. Current Science, 2001, Vol. 80, No. 1, 87-94. http://www.ias.ac.in/currsci/jan102001/87.pdf
  2. Sharma, M. C. and Owen, L. A., J. Quat. Sci. Rev., 1996, 15, 335–365.
  3. article at Earth Observatory driven by NASA, found below a sat image illustration dated 2001