Germanodactylus

Germanodactylus

Eth genre Germanodactylus (det alemanh) siguec utlizat per prumèr còp en 1964 peth paleontològ chinés C.C.Young tà aperar un pterosaure de Solnhofen que C. Wiman ja auia descrit en 1925 coma Pterodactylus cristatus (Pterodactil damb cresta).

Enquia aqueth moment que s'auien trapat paucs individús d'aguest genre qu'a unes espècies; Germanodactylus cristatus, trapat en Solnhofen. Er individú de Daiting siguec trapat en ues strata de Solnhofen e ère pas tant an.

Era caracteristica tipica de Germanodactylus ère ua cresta sus er uas ena part mieja deth cran. Començaua sus eth nostril e arribaua enquia ensus des horats des uelhs. De segur qu'ère caperada damb carina de uas.

Era denticion qu'ère poderosa e damb ues dents relatiuaments cuertes. Ara fin dera maissa auia pas de dents e auia ua forma ponchuda, coma un bec d'audèth. Germanodactylus cristatus, mès petit, auia un cran de 13 cm damb ues ales de 98 cm.

David Uniwm, dera Universitat de Reading tamben classèc es vertebres, radi, ua prumèra falanx deth det tà volar, tibia e fibula coma un pterosaure de Kimmeridge Clay, ena costa de Dorset, en eth sud-èst d'Anglatèrra, deth genre Germanodactylus.

Qu'ei pas sonque eth prumèr Germanodactylus trapat en Baviera, mès tamben er individú més ancian d'un pterosaure pterodactil, pr'amor que Kimmeridge Clay ei mès ancian qu'es pèires de Solnhofen.

Hònt: The illustrated Directory of Dinosaurs and other Prehistoric creatures, Greenwich Editions, 2005.