Genmei

Genmei (23 d'abriu de 660 - 29 de decembre de 721) es una emperairitz de Japon que reinèt de 707 a 715. Succediguèt a l'emperaire Monmu (697-707) e abdiquèt en favor de l'emperairitz Gensho (715-724). Filha de l'emperaire Tenji (661-672), accediguèt au poder dins lo quadre d'una mena de regéncia destinada a esperar la fin de l'enfança de Shomu, lo fiu e eiretier de Monmu. Son rèine es relativament important per l'istòria dau país car veguèt lo desplaçament de la capitala de Fujiwara-kyo a Heijo-kyo, çò que marca lo començament dau Periòde de Nara en 710. En parallèl, Genmei ordonèt de perseguir lo trabalh de compilacion dei legendas e dei mites populars japonés. En 712, recebèt ansin la premiera compilacion dau Kojiki, un important recuelh de tèxtes que venguèt un dei tèxtes de referéncia dau sintoïsme. Ordonèt tanben la redaccion dei Fudoki, un ensemble de compilacions dei tradicions e dei racòntes de cada província, e emetèt lei premierei monedas niponas. Renoncièt au poder en 715, en favor de sa filha Gensho.

Liames intèrnes

• Fudoki.
• Kojiki.
• Sintoïsme.

Bibliografia

• (fr) Louis Frédéric, Le Japon, dictionnaire et civilisation, París, Robert Laffont, coll. « Bouquins », 1996.