Francis Garnier
Marie Joseph François Garnier dich Francis Garnier (25 de julhet de 1839 – 21 de decembre de 1873) foguèt un oficier de marina e un explorator francés.
Originari d'una familha legitimista, venguèt oficier en 1857 e prenguèt rapidament la direccion dau continent asiatic. I participèt ai diferenteis operacions francesas organizadas dins la region coma l'expedicion punitiva còntra lo Palais d'Estiu de Pequin (1860). Venguèt famós per sa participacion a l'exploracion de Mekong dins lo corrent deis annadas 1860. En novembre de 1873, arribèt a Hanòi après d'incidents marchands francés e autoritats vietnamianas. I prenguèt lo contraròtle de la fortalesa e i proclamèt la libertat de navigacion sus lo Riu Roge. Pasmens, foguèt tuat en decembre per una ataca dei Pavalhons Negres.
Son nom foguèt donat a mai d'un naviri de la Marina Nacionala e a una vila d'Argeria dins lo corrent dau periòde coloniau.